Torsdag 18. februar er volleyballdag. Du finn kampane på Fronter. 1. klassane startar tidleg - medan dei andre framleis har undervisning. 3 Idrett er arrangørar.

Skulen samarbeider tett med Ungdomsbasen om miljøtiltak. Laurdag er det framleis nokre få plassar ledige på isklatringa basen arrangerer seier miljøarbeidar Mathilde M. Ho minner også om Ope Hus med mange aktivitetar i ungdomshuset Solhov fredag kveld !!

Før helga var to 2. klassingar på medielinja på spennande filmarbeid i Bergen. På oppdrag av Vestlandsforsking lagar dei info-film om reco-drive. Forskarane på Vestlandsforsking skal leggja filmen ut på recodrive.eu for å motivera transportselskap til mindre drivtstoff-forbruk.

50 selde skulegensarar på ein dag. Det er me storfornøgde med seier jentene i 1 SEA som har skulegensar for Sogndal vgs som Ungdomsbedrift. Dei hadde nett starta på salsrunden sin.

Sogndal vidaregåande er ein populær skule. Fleire linjer måtte i haust seia nei til 10-klassingar som ynskte hospitering. I forrige og denne veka opnar difor media og idrett for nye kull hospitantar.

9 elevar frå Baskerregionen i Spania kjem på besøk til skulen i starten av mars. Saman med ein lærar. Opphaldet er i regi av EU/Comeniusprosjektet skulen er med på. Deretter står like spennande attbesøk for tur for SVS-elevar i San Sebastian.

Stikk innom biblioteket og sjå utstillinga om Comenius-prosjektet.Der er SVS sentral aktør. Miljø er blant stikkorda for utstillinga - der skulane i samarbeidslanda Spania, Irland, Frankrike, Danmark og Norge / Sogndal lærer av kvarandre og knyter kontaktar.