2 MK har nyleg lagt bak seg ein flott ekskursjon til London. Filmproduksjon , kunstmuseum , foto-oppgåver, konsert og besøk i verdas største kringkastingsselskap BBC var litt av det London hadde å by for elevane/lærarane. Dei møtte også Camilla Brugrand - avgangselev i fjor ,som no studerer journalistikk i London. 2 MK hadde finansiert turen gjennom ei rekkje elevbedriftsprosjekt i Mediekompaniet/Kreativ Media.

Søknadsfristen for stipend til Tysk-Norsk Ungdomsforum er utsett til 1. juni ! ( Sjå saka under for meir info ).Opprinneleg frist var 13. mai, men fristen er no forlenga med nær 3 veker til 1. juni seier Heidi Fondenes.

I september møtest 50 norske og 50 tyske ungdommar til Tysk-Norsk Ungdomsforum i Leipzig. Elevar på Sogndal vgs vert inviterte til å søkja. Fristen er 13. mai !

17 elevar og 1 lærar - 2 MIK /VG2-media studspes. - var sist veke på spennande medietur til Bergen. Med hovudsete for TV2 og sentrale mediehus som BT og BA, treffer medieverksemdene Bergen mange aktuelle læreplanmål for elevane. Spenninga var veldig stor før det vart avklara for 2 år sidan at kanalen blir i Bergen , fortalde nyheitsankeret Morten Sandøy. Det var også sett av tid til møte med redaktøren for Bergensavisen.

Sogndal vgs har vore ideskapar / sentral i utarbeidinga av Bulystsøknad for film-satsing på Fosshaugane Campus. Søknaden er skriven saman med Sogndal Musikkforum med kostnadsramme på 1. 2 millionar kroner. VolleFilms, Jo Bergersen, Falkeblikk ,Lærdal Lydstudio og elev-verksemdene på Sogndal vgs er blant film-aktørane. Prosjektet har fokus på ungdomskultur - mellom anna musikkvideo, dokumentarar frå rocke/ungdomsfestivalar og dansemiljø i fylket. Næringsutvalet prioriterte sist veke søknaden som no går til Kommunaldepartementet.

Tysdag 19. juni kl. 18.00 vert det høgtidleg avslutningsfest for alle avgangselevar på Sogndal vgs.Stad: Kantina. Antrekk: Pynta. Pris: 130.- God mat/ Musikk/ Underhaldning/talar.Det vert også tilbod om felles / klassefoto v. Thomas Morel. Påmeldingsfrist 15. mai til tillitsvald.

I dag skipar 3IDB til Triatlon-dag for alle idrettselevar . Startskotet går 9. 30 i symjehallen.Deretter går det slag i slag med sykling og løp i krevjande løyper rundt om i Sogndal. Vårens vakraste kan me vel trygt sei - sjå berre på forholda ute :)

Det er gode band mellom fagmiljøa i blikkenslagarfaget i Sogn og Fjordane og fagmiljøa i Malmø. Tidlegare i vår var 2 elevar og 1 lærar får Sogndal vgs på kurs i Båndtekking i Malmø. Det resulterte i oppslag i Fagbladet Bikkenslageren. Dei 3 var faglærar Agnar Smedegård og elevane Stine Solheim 2 KEA og Leon Henden 1 BAB.mvh

Torsdag 26. april er det trafikk/helse-dag for raud - og svartrussen 2012. Det vert eit program delt mellom trafikkstasjonen, politi og helsesøster/ skulelege. + Sosialt med mat og forfriskningar ved miljøkoordinatorane. Start kl. 12. 50. Her er programmet:

Gratulasjonar til fleire elevar på MK / Sogndal vgs som gjekk vidare til Landsfinalen i UKM i klassa film/video med 2 filmar: Namitha Hjelle, Sogndal – “Converse reklame” (2 MKA).Musikkvideo: • Team 1 – A Whole New World, v/Silje Virkesdal Bråstad -produsent, Janne Haaland-regi, Martin Vikesland-kamera, Niclas Skinlo-klipp og Hile Mykland- prod.ass.Dei 2 Sogndalsfilmane er dei einaste som går til landsfinalen med film/video og dei føyer seg inn i ei solid rekkje filmprodukt av svgs-elevar har også fleire gonger før har utmerka seg med Landsfinaleplass - mellom anna Daniel Volle.

Medielinja på Sogndal vgs - 3. klasse - har denne helga maratonsending frå Opera Nordfjord på NRK Sogn og Fjordane/Nett-TV. NRK satsar stort på Ungdommens Kulturmønstring i direktesendt nett-TV og allierer seg med 3 MK/Sogndal vgs for å få dette til. Bak sendingane står profilerte Stian Sjursen i Lutt-redaksjonen i NRK

Sogndalsrussen kom godt ned på beina med russerevyen 2012. 2 fullsette forestillingar i kulturhuset - god regi - friske taker ga publikum full valuta for "Verdas Undergang " som russen hadde titulert revyen. 50 russ har vore i sving med revyarbeid i hektiske veker og kan pusta letta ut like før russefeiringa startar for alvor.

Russerevyen 2012 har premiere i dag kl. 18. 00 i Sogndal Kulturhus. 50 russ har den siste tida jobba intenst for å skapa revyen og resultatet på den tradisjonsrike forestillinga ser du i 2 framvisingar i kulturhuset i kveld !

Dei har brukt mange timar utanom ordinær skuletid - noko som "betalar" seg. 17 elevar på Sogndal vgs har i vinter og vår gjennomført anleggsmaskinførarkurs. Det gir oss ny kompetanse , fleire bein å stå på og gjer oss meir attraktive i arbeidslivet seier dei.

Campus er ein god stad å vera nett no : Sogndalsspelarane Eirik Bergum Skaasheim (19) og Gustav Valsvik (18) skal om knappe 2 veker spela U-19-landskamp mot Ukraina. Eirik - stud.spes og Gustav - Idrett er begge raudruss om kort tid. Det er svært uvanleg at 2 vgs-elevar utgjer ein halvpart av eit Tippeligaforsvar. Søndag spelte dei godt på Lerkendal mot Rosenborg og alt komande helg er Haugesund motstandar på Campus. Landskampen mot Ukraina går i Kiev 25. april, men Campus-kampen søndag er like viktig for Eirik og Gustav :)

Det vart topptur i dobbel forstand då 2 Idrett / Friluftslivklassen var på skitur i Hurrungane før påske. Ikkje berre var været strålande , men med det mest spektakulære av fjelltoppar i Norge som "næraste nabo" har elevane i Sogndal det best tenkjelege utgangspunktet for friluftsliv. Sjå bileta !

Like før påske - 20 - 23. mars - var politikk og menneskerettigheits-klassen ved Sogndal VGS på "politikktur" til Oslo. 14 jenter og lærar Linda Røysi var klare for ein opplevelsesrik tur til Tigerstaden! AV: Andrea Brusegård Kvam og Anne-Silje Tolleshaug Loven - elevar politikk .

Ski-sosial-dagen på Heggmyrane tysdag hadde fullklaff med været. Rett nok litt skodde nede ved skihytta først på dagen. men etterkvart letta det og alle kunne varma seg i fin vårsol. Stemninga var sjølvsagt deretter. Aktivitetane var mangslungne - alt frå grilling, turar i skitrekket/bakken, aketur - bålbrenning eller rett og slett kos rundt borda og ute i terrenget :) Og dei som tok turen opp i det lange trekket kunne alt tidleg registrera blå himmel og sol 400-500 meter oppe i trekket :)

Gratulasjonar til Edgar Vedvik som er kvalifisert til finalen i informatikk-OL i september. Edgar var ein av fire som kvalifiserte seg til OL i Italia - etter finalerunde på Universitetet i Bergen.

Eirik Bergum Skaasheim - elev på studiepesialiserande - debuterte i går frå start for Sogndal i Tippeligaen ! Og for ei serieopning det vart for han og Sogndal. Våre gratulasjonar : 4-0 borte mot Odd var ein "høgdare" - og Eirik var botnsolid som høgreback ! Sogndal har aldri vunne så mykje i ein bortekamp i vår øverste fotballserie.

Denne veka reiser 6 elevar frå reiseliv og dataelektronikk til San Sebastian/Spania - som ein del av Sogndal vgs sitt engasjement i EU-programmet Comenius. Comenius er namnet på eit EU – program som gir økonomisk støtte til Europeisk samarbeid til barnehagar og skular. Målet med Comeniusprogrammet er å utvikle kunnskap om og forståing for det kulturelle og språklege mangfaldet i Europa. Comenius legg til rette for at unge og vaksne tileignar seg grunnleggjande ferdigheitar som er viktige for personleg utvikling, arbeidsliv og medborgarskap. I november-11 var ei Comenius-gruppe i Tyskland.

Skidagen er i år på Heggmyrane 27. mars - tysdag. Dei som ønskjer dagskort til skidagen kan kjøpa dette hjå miljøkoordinatorane for 150kr/kortet . Kontoret er ved skranken i nybygget. Berre stikk innom, helst i lunsjpausen mellom kl1130-1155.OBS : Gymnasbygget kortsal torsdag 22. mars kl 11. 30.Ralph:)

Fagdagen på Sogndal Filmfestival tysdag samla godt med tilhøyrarar - og trefte publikum gjennom nesten 5 timar. Hovudforedraget med Kon Tiki -produsent Aage Aaberge sat som eit skot. Publikum fekk eit eksklusivt iblikk bak kulissane på den dyraste norske spelefilmen. Også Sølve Stang , Arve Uglum og Jo Bergersen ga publikum full valuta i foredraga sine !

Høg kvalitet på filmane og arrangementet. Det var superlativa som gjekk att frå dei gjestande "filmkjendisane" på Gallakvelden til Sogndal Filmfestival mandag kveld. 3 MK kom fjellstøtt frå det krevjande arrangementet - Innpå 250 publikummarar i salen er arrangementsrekord for Sogndal Filmfestival.

Gallakvelden til Sogndal Filmfestival - med kåring av 8 filmvinnarar startar i kulturhuset mandag kveld kl 19.00. Rekorddeltaking av filmar + god underhaldning ; Ola Skram / Inspire og Composure. Arrangørar 3 MK - endeleg er finalen på eit langvarig arbeid komen. Jurysjef Stein Magne Os rosar filmkvaliteten. Still i kulturhuset mandag kl. 19.00. Stem på Publikumsprisen til kl. 16.00 på NRK Sogn og Fjordane.

Rundt 100 elevar på Sogndal vgs får ikkje reisa på dei tradisjonsrike språkreisene til Tyskland, Spania og Frankrike til hausten. Årsaka er at elevane/foreldra ikkje lenger får betala for turane. Det er Utdanningsdepartementet som har stramma inn prinsippet om at slike turar skal vera gratis melder NRK Sogn og Fjordane. Både dei 100 elevane og lærarane som alt var i gang med planlegginga av turane, seier til NRK at dei er skuffa over at dei ikkje får reisa.

Elevverksemdene Mediekompaniet og Kreativ Media tok godt føre seg av premiebordet på UE-messa i Førde torsdag. Dei 2 MK-verksemdene vann tilsaman 5 prisar. Mediakompaniet: Beste Marknadsføring og Beste HR-verksemd. Kreativ Media: Beste Teneste. Mediakompaniet kom dessutan på 2. plass i konkurransen Beste UE- verksemd og 2. plass Beste Rekneskap

Sogndal vgs har fleire internasjonale prosjekt - mellom anna knytta opp mot faget internasjonal engelsk. Eit av dei er European Studies. Der ei gruppe VG2- elevar på¨stud. spes. dette året har samarbeidd med elevar frå 1 skule i Romania og 2 i Irland - slik utvekslar dei kunnskap og utviklar toleranse.

Sjå og stem på din favoritt på NRK Sogn og Fjordane. Avstemming fram til mandag 19. mars !!
Klikk "Les meir" for å finne direkte-link til avstemminga.

Tysdag 13 og torsdag 14. mars er heile 183 9. klassingar hospitantar rundt om på skulen. Hospiteringa er ein del av arbeidet ungdomsskulane gjer for å gje betre grunnlag for utdanningsval i vgs. Dei ulike avdelingane på skulen legg ned eit stort arbeid for å få til ei god hospitering - særleg elevane på Sogndal vgs er gode vertar / hjelpelærar for 9. klassingane.