Målet med YoU-verksemda ved skulen er å gi elevane informasjon og rettleiing i høve yrkes- og utdanningsspørsmål. Skulen ønskjer at elevane skal bli i stand til å gjere sjølvstendige og medvitne val som samsvarer med eigne interesser og motivasjon for faga.

YoU-arbeidet strekkjer seg over heile utdanningsløpet (3 år for studieførbuande og 2 år for yrkesfaglege studieretningar), og følgjer ei bestemt oppbygging. Det er utarbeidd eige årshjul for YoU-arbeidet ved skulen.

YoU-informasjon vert i ofte gitt i samla klasse, men elevar kan og bestille time for individuell yrkes- og studierettleiing. Til hjelp i dette arbeidet nyttar skulen ulike yrkes-og interessetestar: www.nav.no og www.skoletest.no.

Elevane får og informasjon om og rettleiing i å nytte utdanningsinformasjon som ligg på internett. Det er laga ei eiga lenkesamling som skal gjere det enklare for elevane å finne fram til slik informasjon. Skulen har eit Info-torg plassert ved inngangen til ekspedisjonen i Allmennfagbygget. Her kan elevane finne aktuell informasjon om yrke og utdanning.