Noregsmeisterskapen vart arrangert i samband med elektromessa Eliaden med 20.000 besøkjande. I tillegg til kåringa av landets dyktigaste elektrikar, vart det konkurrert i telekommunikasjonsfaget.

I begge faga fortel hovuddomarane at det var svært tett løp, dessutan vart det lagt merke til at deltakarane var langt meir førebudde denne gongen enn tilfellet vart berre for få år sidan.

Stor oppleving

– For meg har det vore heilt fantastiske dagar og eg har fått super oppfølging av arrangøren NELFO. Konkurransen har vore ufatteleg lærerik, at eg gjekk heilt til topps, forsterkar sjølvsagt opplevinga, seier Bernt Erlend Fridell frå Vik til Sogn Avis.

– Kva betyr tittelen?

– For arbeidsgivaren min, YIT, er det god reklame og for meg er det ei solid erfaring å ta med seg i arbeidslivet, seier den ferske noregsmeisteren som konkurrerte i fire dagar.